mini brand FASHION · MEDIA BUYING

ما نبيعكش رسائل.
نبيعك كوموند موصّلة ومخلّصة.

نتكفّل بالإعلانات تاع موديلاتك، ونقوللك كل 3 أيام وين راحو صواردك وواش رجّعو ليك — بالأرقام الحقيقية، ماشي بعدد الميساجات.

هاذ الصفحة فيها كلش: كيفاش نتقاسمو الميزانية، الباكات، القواعد اللي لازم تحترمها، وواش ما نوعدكش بيه. اقراها كامل قبل ما نبداو.

01 — le problème

الكوموند ماشي بيعة

أغلب اللي يبيعو أونلاين يحكمو على الإعلان بعدد الميساجات ولا الكوموندات. بصح بين الكوموند والكولي اللي يتخلّص كاين: الرفض، الروتور، وفرايات ما يحسبها حتّى واحد.

تقدر تجيب أربعين كوموند وتخرج خاسر. أنا نحسب حاجة وحدة برك: الكوموند اللي توصل وتتخلّص، وواش خلّاتلك في الجيب.

02 — les résultats

واش دار هاذ الخدمة قبل

هاذي أرقام حقيقية مأخوذة ديراكت من مدير الإعلانات تاع ميتا، على الحسابات اللي نسيّرهم. وهاذي الكابتشرات ديريكت من الحساب.

16 939commandes générées

1,45 $coût moyen par commande

24 503 $de budget publicitaire piloté

Comptes gérés — août 2023 à septembre 2026
Portefeuille	Ad sets	Dépense	Commandes	Coût / commande
Boutique site — portefeuille 1	200	9 975,32 $	7 085	1,41 $
Boutique site — portefeuille 2	105	10 488,69 $	7 021	1,49 $
Vente par message	14	1 410,31 $	1 579	0,89 $
Campagnes catalogue	48	2 629,37 $	1 254	2,10 $
Total	367	24 503,69 $	16 939	1,45 $

Capture du gestionnaire de publicités Meta — Portefeuille 1 — 200 ad sets · 9 975,32 $ dépensés · 7 085 commandes — Portefeuille 1 — 200 ad sets · 9 975,32 $ dépensés · 7 085 commandes

Capture du gestionnaire de publicités Meta — Portefeuille 2 — 105 ad sets · 10 488,69 $ dépensés · 7 021 commandes — Portefeuille 2 — 105 ad sets · 10 488,69 $ dépensés · 7 021 commandes

Capture du gestionnaire de publicités Meta — Vente par message — 14 ad sets · 1 410,31 $ dépensés · 1 579 commandes — Vente par message — 14 ad sets · 1 410,31 $ dépensés · 1 579 commandes

Capture du gestionnaire de publicités Meta — Campagnes catalogue — 48 ad sets · 2 629,37 $ dépensés · 1 254 commandes — Campagnes catalogue — 48 ad sets · 2 629,37 $ dépensés · 1 254 commandes

النتائج القديمة ما تضمنش النتائج الجاية — كل موديل وكل سوق يختلف. هاذي توريك برك بلي الخدمة مجرّبة على حجم كبير، ماشي على تجربة ولا زوج.

03 — la répartition

كيفاش يتقسّم المبلغ اللي تدفعو

ما كاينش أبونمو ولا فرايات مخبّية. المبلغ اللي تدفعو يتقسّم على زوج حصص برك، وهاذي هي بالضبط:

Répartition de chaque versement
Poste	Part	Sur 20 000 DA	Sur 50 000 DA
Budget publicitaire (ton argent, dépensé sur Meta)	60 %	12 000 DA	30 000 DA
Honoraires de gestion (mon travail)	40 %	8 000 DA	20 000 DA
Total versé	100 %	20 000 DA	50 000 DA

يعني: من كل مية دينار تدفعها، ستّين يروحو ديراكت في الإعلان، وأربعين هي حقّي على الخدمة. الحساب مفتوح — تقدر تشوف الصرف الحقيقي في حسابك الإعلاني في أي وقت.

04 — les formules

الباكات

الباك يتبدّل حسب كيفاش تبيع: بالميساج (Messenger ولا Instagram) ولا بالموقع. الباك تاع الموقع أغلى شوية على خاطر فيه تحضير صفحة البيع والتراكينغ.

Packs « Message » — vente par Messenger / Instagram
Formule	Versement	≈ USD	Budget pub	Honoraires
Essai — jusqu'à 3 modèles	20 000 DA	76,92 $	12 000 DA	8 000 DA
Croissance — 1 modèle suivi	35 000 DA	134,62 $	21 000 DA	14 000 DA
Production — jusqu'à 3 modèles	60 000 DA	230,77 $	36 000 DA	24 000 DA

Packs « Site » — vente par boutique ou page de vente
Formule	Versement	≈ USD	Budget pub	Honoraires
Essai — jusqu'à 3 modèles + page de vente	25 000 DA	96,15 $	15 000 DA	10 000 DA
Croissance — 1 modèle suivi	45 000 DA	173,08 $	27 000 DA	18 000 DA
Production — jusqu'à 3 modèles	80 000 DA	307,69 $	48 000 DA	32 000 DA

الحد الأدنى للدخول هو 20 000 دينار. أقل من هذا الإعلان ما يوصلش لمعلومة صحيحة، ونكون نصرفلك صواردك بلا فايدة — وهاذي حاجة ما نديرهاش.

05 — service en option

كتالوغ الموديلات اللي تستاهل التست

قبل ما تختار موديل وتصنّعو، تقدر تاخذ مني كتالوغ فيه موديلات مختارة على أساس اللي راه يخدم فعليا في السوق الجزائري — واش راهم يشريو الناس، وواش راه يتباع بزاف عند اللي يعرفو يبيعو.

واش تاخذ

خمسة موديلات مختارة، مع التصاور والمراجع، جاهزين باش تختار منهم واش تصنّع وتست.

Catalogue de sélection
Service	Contenu	Prix	≈ USD
Catalogue de test	5 modèles sélectionnés	5 000 DA	19,23 $

ما نضمنلك حتى حاجة. هاذو موديلات نختارهم بالتجربة والملاحظة تاع السوق، ماشي وعد بالربح. اللي يقرّر في الآخر هو التست بالأرقام الحقيقية.

06 — montage vidéo

خدمة المونتاج

تعطيني فيديو الشوتينغ تاعك خام، بلا موسيقى وبلا مونتاج، ونخرّجلك منّو عدّة فيديوهات مختلفة كل وحدة تخدم وحدها في الإعلان: مونتاج مختلف، هوك مختلف، كابسيون مختلف، وموسيقى محلولة الحقوق للإعلان المدفوع.

هاذي خدمة تقدر تاخذها وحدها، حتى إذا ما خدمناش مع بعضنا في الإعلانات.

Packs montage vidéo
Pack	Vidéos	Prix	≈ USD	Par vidéo
Test	5 vidéos	3 500 DA	13,46 $	700 DA
Standard	10 vidéos	6 000 DA	23,08 $	600 DA
Scaling	30 vidéos	13 500 DA	51,92 $	450 DA

كل ما زاد العدد، رخص سعر الفيديو. باك السكالينغ هو اللي تحتاجو كي يبدا الموديل يخدم ويلزمك عدد كبير من الكرياتيف باش تحافظ على النتيجة.

07 — qui fait quoi

واش ندير أنا وواش تدير أنت

أنا

نكتب النصوص الإعلانية تاع كل موديل
نحضّر عدّة نسخ إعلانية من الشوتينغ تاعك
نبني الحملات ونسيّرها كل يوم
نتبّع الكوموندات حتى للتوصيل
نعطيك رابور واضح كل 3 أيام
نحسبلك الربح الحقيقي بالكوموند الموصّلة
نحذّرك قبل ما يخلص الرصيد، ماشي من بعد
نقوللك واش تصنّع: أي لون وأي طاي

أنت

الموديل، التصاور، وفيديو الشوتينغ
سعر البيع وكل التكاليف الحقيقية
الستوك اللي عندك ووقت الأتوليي
واحد يأكّد الكوموندات في نفس النهار
تسجيل كل كوموند في اللوحة وتحيين حالتها
ثلاث أرقام كل عشية
الموافقة قبل كل قرار مهم
الشحن قبل ما يوصل الرصيد للصفر

08 — le déroulé

كيفاش نخدمو

نشوفو واش الموديل يقدر يربح
بسعرك وتكاليفك نحسب واش تخلّي الكوموند الموصّلة. إذا الموديل ما يقدرش يربح، نقوللك قبل ما تصرف حتى دورو.
تدفع، ونحضّر
الدفع قبل الإطلاق. نحضّر الحملات والنصوص والفيديوهات، ونوريك الأبيرسو قبل أي حاجة.
توافق، ونطلق
حتى حملة ما تتشغّل بلا موافقتك المكتوبة.
ثلاثة أيام تاع قياس
الأيام الأولى تخدم باش نجمعو أرقام حقيقية. ما نحكموش على إعلان في نهار — هكذا يتقطع اللي كان راح يخدم.
رابور كل 3 أيام، والقرار مع بعضنا
تشوف الصرف، النتيجة، والاقتراح تاعي. تقول واه ولا لا.
نقوللك واش تصنّع
كي تولّي عندنا كمية كافية من التوصيلات الحقيقية، نقوللك أي لون وأي طاي راهم يمشيو، وقدّاش تصنّع باش ما تبيعش ستوك ما كاينش.

09 — condition d'entrée

الثلاث أرقام تاع العشية

كل عشية تصيفطلي ثلاث أرقام. بلاهم نخدم في العمى، ونفضّل نرفض زبون على ما نصرفلو صواردو بلا ما نعرف وين راحو.

الكوموندات

اللي عطاو الاسم والرقم والولاية

المؤكّدة

اللي تأكّدو في التيليفون

الموصّلة

الكولي اللي تخلّص — هاذا هو الرقم الوحيد اللي يحسب

10 — règles fermes

القواعد اللي ما تتناقشش

01
الدفع قبل الإطلاق.ما نصرفش قبل ما نستلم. حتى حملة ما تخرج بلا رصيد موجود.
02
الحد الأدنى محترم.أقل من 20 000 دينار ما نبداوش — النتيجة تولّي بلا معنى.
03
كل كوموند تتسجّل في اللوحة تاعنا.المؤكِّدة تاعك تدخّل كل كوموند في الفورم، وتبدّل الحالة بيدها: « مؤكدة » كي تتأكّد في التيليفون، و« موصّلة » كي يوصل الكولي ويتخلّص. بلا هاذا ما نعرفوش من واين جات كل كوموند، والأرقام كامل تولّي بلا قيمة.
04
الثلاث أرقام كل عشية.عشيتين بلا أرقام، نحبس الحملة حتى ترجعلي المعلومة.
05
التكاليف الحقيقية، ماشي تقريبية.إذا خبّيت عليّ تكلفة، الحساب كامل يولّي غالط وأنت اللي تخسر.
06
التأكيد في نفس النهار.كوموند تقعد يومين بلا تأكيد تولّي روتور. هاذي مسؤوليتك أنت.
07
ستوك حقيقي قبل التوسيع.ما نزيدش في الميزانية إذا ما كانش الستوك يلحق. ما نجيبوش كوموندات على بضاعة ما كاينش.
08
موافقتك المكتوبة قبل كل قرار مهم.الإطلاق، الزيادة الكبيرة في الميزانية، تبديل السعر، وأمر الإنتاج — كلها بيدك أنت.
09
ما تلمسش الحملات.إذا بدّلت ميزانية ولا وقّفت إعلان بروحك، الأرقام تتخربق وما نبقاش مسؤول على النتيجة.
10
ما تبدّلش السعر ولا الصفحة في وسط الحملة.تبديل في الوسط يهدّ المقارنة كامل. إذا لازم نبدّلو، نبدّلوه مع بعضنا.
11
الشحن قبل الصفر.نحذّرك قبل بيومين. الحملة اللي تتوقف على الصوردي تخسر دفعتها وترجع أغلى.
12
التوقف بإشعار.إذا حبّيت توقّف، قوللي قبل. ما نحبسش حملة في وسط الطريق بلا ما نسلّملك الأرقام والوضعية.

11 — honnêteté

واش ما نوعدكش بيه

اللي يوعدك بعكس هاذي، يكذب عليك.

✕
عدد بيعات مضمون.
✕
ربح مضمون — السوق، الموسم، والروتور ما يتحكمو فيهم حتّى واحد.
✕
نتيجة من النهار الأول.
✕
أن كل الزبائن يقبلو الكولي.

اللي نوعدك بيه: ديما تعرف وين راحو صواردك، وما توسّعش في إعلان راه يخسّرك وأنت ما تعرفش.

12 — franchise

وقتاش نرفض

نفضّل نقول لا على ما نخسّر واحد صواردو

ما تحبش تعطي التكاليف الحقيقية
ما تقدرش تصيفط الثلاث أرقام كل عشية
ما كاينش شكون يأكّد الكوموندات
الهامش تاعك ضيّق ما يتحمّلش الإعلان
تحب تطلق بلا ستوك وبلا قدرة على الصنع